تنہائی کو ترسے ہجوم بیچاری

میں اس جہاں میں خوش رہوں تو کیسے 
جہاں سورج آگ برسایے
چلو بھر پانی ڈبو جایے 
بادل گرجے خوف پھیلآیے 
بارش جیسے دل روتا جایے 
دن بھر کام کاج کا روگ
رات جیسے اندھیرے کا سوگ
تارے اتنے ڈھیر گن گن ہارے
سر پر ہمارے سوار ہیں سارے
دنیا جیسے گڑ بڑ گھٹول
اس پہ لوگ گول مٹول
یوں تو دنیا غرض کی ہے ساری
اس پر ہم سے ہے سب کی یاری
مل مل سب سے تھک تھک ہاری
تنہائی کو ترسے ہجوم بیچاری

از قلم  ہجوم تنہائی 

کاملیت

کاملیت انسانوں کا نصیب نہیں ٹھری ازل سے جو ڈھونڈنے نکلے خوبیاں ایک مشکل سے ملے اور جو کمی ڈھونڈی تو 
مجھ میں تجھ میں نکلیں ہزار

یونہی کہانی

یونہی کہانی 
ایک بار یونہی کہانی بنتی گئی 
یونہی بڑھی 
یونہی ختم 
یونہی .....
نتیجہ : یونہی تو بس کہانی تھی ...
مگر یونہی ...بس

از قلم ہجوم تنہائی 

میں اک دیوار اٹھا تا ہوں

میں اک دیوار اٹھا تا ہوں 
اب میں چپ ہو جاؤنگا 
میں ایک اور دیوار اٹھاتا ہوں 
میں اب چپ رہ جاؤنگا 
میں ایک اور دیوار اٹھا رہا ہوں 
میں بولتا ہی جا رہا ہوں
میں اب قید ہوں اپنی تنہائی کے حصار میں
بہت ہجوم ہے اب میرے مدار میں



از قلم ہجوم  تنہائی 

میں ہنستا تھا

میں ہنستا تھا
اتنا کہ لوگ تھے کہتے 
یہ دنیا میں ہنسنے آیا ہے 
میں ہنس کر تھا کہتا 
کبھی رویا تو غضب ڈھا ونگا 
آج جب میں رویا
ساتھ یہ بھی سوچا کیا
میں نے
آج غضب ڈھایا ہے
؟
سوچتے ہوئےیہ
مجھے تھوڑا اور رونا آیا ہے

HaJoOm. E. TaNhAi.

کہیں چہرہ کتابی

کہیں چہرہ کتابی
کسی کے انداز نوابی
کوئی کم سخن پر تیز
کسی کی طبیعت ہنگامہ خیز
کبھی ڈبو دیا جھیل سی آنکھوں نے 
کبھی سایا کیا دراز زلفوں نے
کسی کی معصوم ادا کے اسیر ہوۓ
کسی کی شعلہ بیانی کے آگے تصویر ہوے
مانگ بیٹھے ہم بھی خدا عشق سے
بچ نہ سکے ہم بھی وبا عشق سے
کہا تو بس اتنا کہ ہمیں خزینہ حیات تو عطا کیجیے
ہنس کے جواب ملا یا وحشت کسی ایک پر تواکتفا کیجیے

SVZ

زندگی کہانی

Syeda Vaiza Zehra

August 23, 2015 · 

زندگی کہانی
ایک تھی زندگی
گزر رہی تھی راستے میں مقدر سے ٹکرا گئی
مقدر ہاتھی جیسا تھا زوردار طاقت مست ملنگ اسکا بال بھی بیکا نہ ہوا__
زندگی کا حشر نشر ہوگیا وہیں رک کر رو پڑی ۔۔۔
وقت نےدیکھا مگر نظر انداز کر کے آگے بڑھ گیا
کافی وقت بیت گیا دعا طاقت کے روپ میں پاس ای
آئ ۔۔۔ زندگی نے اسکو دیکھا تو نہ چاہتے بھی ہنس دی تم اتنی چھوٹی کمزور سی ہو مجھے کیسے اٹھاؤ گی ؟
دعا چپ رہ گئی۔۔
زندگی نے بہت سے سہارے تلاشے اپنو ں کے احباب کے سب نے بس ایک حد تک سہارا دیا پھر چھوڑ دیا۔۔۔
زندگی وہیں رکی پڑی رہی۔۔۔
دلاسے تسلیاں اسکو ملیں مگر کسی کام نہ آ سکیں
دعا کو زندگی پر ترس آیا اٹھی اور مقدر سے لڑ پڑی ننھی نازک معصوم سی دعا مقدر سے ٹکرا گئی اور جانتے ہیں کیا ہوا ؟
مقدر واپس آیا اور زندگی سے معذرت کی اسے سہارا دیا اور اسکو نیے سفر پرروانہ کردیا۔۔۔
اس بار زندگی نے دعا کا دامن پکڑ کر اپنے ساتھ رکھا تھا۔۔۔

نتیجہ : دعا چھوٹی سی بھی ہو تو عرش تک رسائی رکھتی ہے