"Hajoom E Tanhai and Urduz are inspiring Urdu web blogs offering a collection of motivational Urdu quotes, aqwal e zareen, Urdu moral stories, and life lessons. Dive into engaging Urdu metaphors and captivating, simple yet classic Urdu tales. Whether you're learning Urdu or seeking life-changing lessons, these blogs guide you towards a better, happier life. Explore moral-rich stories, timeless wisdom, and motivational content in Urdu, all designed to uplift and inspire."
ایک تھا ریشم کا کیڑا۔ریشم بن رہا تھا کسی مکڑی کا اسکے پاس سے گزر ہوا تو ٹوکے بنا نہ رہ سکی
۔ یہ جو ریشم بن رہے ہو نا اپنے گرد اسی میں دم گھٹنے سے مرجائو گے۔
ریشم کا کیڑا بولا ریشم بننا یہی تو میری فطرت ہے۔۔ نہ بنوں تو بھی مر جائوں گاپر جاتے جاتے میں دنیا کو تحفہ دے جائوں گا
میرا ہونا بےکار نہ ہوگا انکے لیئے۔ مکڑی ہنسی
میں بھی جال بنتی ہوں میری فطرت ہے مگر میرا جال بننا مجھے فیض دیتا ہےمیری خوراک کا انتظام کرتاہے میرے انڈوں کو سینچتا ہے تمہارا ریشم تمہیں کیا فیض دے گا؟ تم اس میں گھٹ کر مر جائو گے ۔۔ میری مانو تو ریشم بنو مگر اپنے گرد نہیں۔۔
کیڑا سوچ میں پڑا۔ مکڑی آگے چلدی
کیڑے نے ریشم بنا مگر خود ریشم سے باہر نکل آیا۔ ریشم مکمل ہوا مگر کیڑے کو سردی لگنے لگی۔ سوچا زندگی تو میری یوں بھی ذیادہ نہیں ہونی تھی کم از کم مرتے وقت ٹھٹھرتا تو نہ میں۔ مکڑی کیا جانے میری فطرت کیا میرا بھلا کیا۔۔ ریشم کا کیڑا ٹھٹھرا مر گیا۔ مکڑی گزری بے ڈھب بے کار ریشم الجھا پڑا تھا افسوس کیا۔۔
بے چارہ کیڑا اس فالتو بے کار ریشم بننے میں زندگی گزار گیا۔۔
اپنے ٹھکانے کی جانب بڑھی ٹھٹکی ۔۔۔۔
کسی نے اسکا پورا جال صاف کردیا تھا۔۔ اور بڑبڑا رہا تھا
چار دن صفائی نہ کرو توجالے لگ جاتے۔ بی مکڑی یہ گند پھیلانے
کی بجائے کوئی ڈھنگ کا کام کر لیا کرو۔۔۔
مکڑی پھوٹ پھوٹ کر رو دی
تمہیں کیا پتہ میں نے کتنی محنت سے بنا تھا جالا انڈے سینچے تھے مکھی پھانسی تھی ایک طویل عرصے کی زندگی ٹھاٹھ سے گزارتی اپنے بچوں کے ساتھ تم کو میری ریاضت بےکار لگتی ہے؟
نتیجہ:کوئی کیا جانے آپ کون آپ کیا پھر کوئی آپکا بھلا کیسے جان سکتا؟؟؟؟؟؟؟
ببلی بنٹی سونی اور ببلو گھر گھر کھیل رہے تھے۔ ببلی اور سونی اپنی ننھی گڑیوں کو سنبھالتی کھانا پکا رہی تھیں صفائی کر رہی تھیں۔ اماں کا دوپٹہ سلیقے سے اوڑھے گھر کے کام نبٹاتی جھوٹ موٹ کی بریانی بنا کر سب گڑیوں بھالوئوں کو بٹھا کر انکے ساتھ کھا رہی تھیں۔ بنٹی بھی دوپٹہ اوڑھے ایک بھالو کو چمکار چمکار کر کھلا رہا تھا
ببلو تھوڑی دیر تو دیکھتا رہا پھر جھلا کر پیر پٹخا
مجھے بھی کھلائو۔میں کیوں باہر کھڑا ہوں
کیونکہ تم پاپا ہو پاپا دفتر چلے گئے ہیں اب پانچ بجے آئیں گے۔ ببلی نے دوپٹہ سر پر جماتے ہوئے مدبرانہ انداز میں سمجھایا
یہ بنٹی تو نہیں گیا اسے بھی بھیجو۔۔
ببلو نے گھورا۔
میں ماما بنا ہوا ہوں احمق۔
بنٹی نے دوپٹہ سنبھالتے گھورا۔
لڑکے ماما نہیں بنتے لڑکے پاپا بنتے ہیں پاگل۔
ببلو نے تمسخر اڑایا
پاپا بن کے تو گھر میں رہتے ہی نہیں ۔ جو پاپا بنتے کھیل سے ہی نکل جاتے ہیں میں اسلیئے ماما بنا ہوں۔۔۔
بنٹی نے سر پر ہاتھ مار کر اسکی عقل کا ماتم کرتے ہوئے سمجھایا۔
نتیجہ: پاپا کو کھیل سے نکلنا نہیں چاہیئے ویسے۔۔۔۔۔۔۔۔۔
دنیا ختم ہو رہی تھی۔ ہر انسان اپنی ہیئت بدلتا ختم ہو رہا تھا۔ دنیا میں بچ جانا ہی زندگی کا واحد مقصد رہ گیا تھا۔ ایک تھا کوئی بچ رہا۔ کیونکہ اس میں جینے کی خواہش نہ تھی۔ جو جینا چاہتے تھے مرجاتے تھے۔ کوئی بچتا تو حیران رہ جاتا کہ کیسے بچا۔ ایک افراتفریح تھی۔ سب چیختے چنگھاڑتے اماں کی تلاش میں تھے۔کہیں بلند عمارتیں زمین بوس ہو رہی تھیں کہیں زمین شق ہو رہی تھی۔ سب اپنی اپنی قیامت سے نمٹ رہے تھے۔ کسی نے پکارا۔
کوئی ہے۔
کوئی چونک کر پلٹا
کیا دیکھا کسی پر آسمان آگرا اور زمین تنگ تھی۔
کوئی بھاگا بنا سوچے کہ لمحہ لمحہ سمٹنے والی زمین اس کو نا سما لے۔ کوئی بس آگے بڑھ کر کسی کو بچا لینا چاہتا تھا۔
کوئی اندھا دھند بھاگا۔ کسی کے اوپر سے آسمان کا ملبہ اٹھایا۔ تنگ ہوتی زمین کو ہاتھوں سے روکا۔ اپنی جان لڑا دی۔ پکارا مدد کیلئے۔ کوئی ہے۔
دوسرا کوئی مدد کو آیا کسی کو بچانے میں کوئی لگا ہوا تھا دوسرا کوئی مدد کر گیا۔ کسی کو بچایا۔ کوئی خود ہی بچ رہا۔ کیونکہ کوئی جینا نہیں چاہتا تھا۔
کسی نے شکریہ کہا دوسرا کوئی آگے بڑھ گیا کوئی کسی کے ساتھ ہو لیا۔ کسی کو پتہ تھا امان کہاں ملے گی۔ کسی کے ہمراہ کوئی بھی امان پاگیا۔
امان نے شرط رکھ دی
کسی کو بچائے گا کوئی مرجائے گا۔ ۔ کوئی رک رہا کسی نے کہا کوئی بھی جی لے۔۔ امان کا فیصلہ اٹل تھا۔
امان نے آخری خواہش مانگی کسی سےلکھے کسی پرچے پر۔۔ کوئی بھی بتا دے جو چاہے۔
کسی نے پرچے پر کچھ لکھ کر تھمایا۔ کوئی اپنی خواہش لکھ آیا۔
امان کسی کو ملی کوئی بے چارہ ہوا۔
کوئی رخصت کا طالب ہوا۔امان نہ سہی زندگی تو اب بھی اسکی تھی۔کوئی جیئے جائے گا بھلے جیسی بھی جیئے زندگی۔۔
وقت رخصت امان کو جب کچھ سمجھ نہ آئے
امان بڑھا آگے دونوں پرچے تھمائےکہ شائد کوئی متجسس ہو کر پڑھ پائے
کوئی متجسس تو تھا بے تاب بھی۔زندگی سے تھا بےزار بھی جبھی اپنے لیئے مانگ سکا نا امان بھی۔
کوئی خواہش لکھ آیا تھا کسی کی خواہش پوری ہو۔
کسی کی خواہش تھی۔۔
کوئی مرجائے تاکہ وہ امان پائے۔ ۔
کوئی ہنسا۔ ہنسا زور سے روپڑا
نتیجہ: کسی کو امان دو تو کوئی بچ جاتا ہے۔
از قلم ہجوم تنہائی
Hajoom E Tanhai
alone?join hajoom
سلام دوستو۔کیا آپ سب بھی کورین فین فکشن پڑھنے میں دلچسپی رکھتے ہیں؟
کیا خیال ہے اردو فین فکشن پڑھنا چاہیں گے؟
آج آپکو بتاتی ہوں پاکستانی فین فکشن کے بارے میں۔ نام ہے
Desi Kimchi ..
دیسئ کمچی آٹھ لڑکیوں کی کہانی ہے جو کوریا میں تعلیم حاصل کرنے گئیں اور وہاں انہیں ہوا مزیدار تجربہ۔۔کوریا کی ثقافت اور بودوباش کا پاکستانی ماحول سے موازنہ اور کوریا کے سفر کی دلچسپ روداد
پڑھ کر بتائیے گا کیسا لگا۔ اگلی قسط کا لنک ہر قسط کے اختتام میں موجود یے۔۔
Desi Kimchi seoul korea based Urdu web travel Novel ALL EPISODES LINKS
کوئی جو خود پر روئے۔۔ سسک سسک کر روئے۔۔ کتنا روئے ۔۔ بلک بلک کر روئے۔۔ کب تک روئے۔۔ تڑپ تڑپ کر روئے۔۔ رو رو کر تھکے۔۔ اور تھک کر روئے۔۔ کوئی تو لاحق ہوگا غم۔۔ کوئی جو بیٹھے بٹھائے روئے۔۔ یہ انصاف تو نہیں۔۔۔ جو خود پر روئے۔۔ ہر رات روئے۔۔ بن بات روئے۔۔
