میں ایک کھلنڈرا سا لڑکا ہوں

یہ ایک عام سی کہانی ہے 
سن کر یاد بھی نہ رہ جانی ہے اگر وقت ہے تو سن لینا 
مجھے کہہ  جانے کی عادت ہے 
میں ایک کھلنڈرا سا لڑکا ہوں 
میں ہنستا کھیلتا رہتا ہوں 
زندگی کو کھل کر جیتا ہوں 

مجھے مسکرانے کی عادت ہے 

اس دن بھی میں یونہی اکیلا تھا 
وہی گرد مرے لوگوں کا میلہ تھا 
ایک عام سی لڑکی ملی مجھے 
مجھے ملنے ملانے کیا عادت ہے
وہ بات بات پر ہنستی تھی 
وہ ہنستی اچھی لگتی تھی 
میں کھل کر ہنستا ہنساتا تھا 

مجھے ہنسنے ہنسانے کی عادت ہے 

وہ بات مری غور سے سنتی تھی 
وہ اکثر چپ ہی رہتی تھی 
میں مگر بولتا رہتا تھا 

مجھے سب کہہ جانے کی عادت ہے 

پھر جب میں تھک سا جاتا 
اسکی بھی سنتا جاتا تھا 
اس نے اپنے  دل کی کہنا شرو ع کیا 

مجھے اپنا بن جانے کی عادت ہے

وہ مجھکو اپنا ہمراز کہے 
مجھے اپنا سمجھے میرے پاس رہے 
وہ مجھ سے جھجکا کرتی تھی 
مجھے حق جتانے کی عادت ہے 
میں ساتھ اسکے ہی رہتا تھا 
پل پل کی بپتا کہتا تھا 
میں فارغ تھا ہاں ان دنوں 

مجھے وقت بتانے کی عادت ہے 

پھر مجھے کچھ اہم کام پڑا
لاپروا ہ پھر مرا نام پڑا 
وہ مجھ سے روٹھ بھی جانے لگی 
اسے مری بے رخی ستانے لگی 
تھوڑا اکڑا میں پھر بھی اسے منا لیا 

مجھے روٹھے ہوؤں کو منانے کی عادت ہے

میری سخت نگاہ سے بھی وہ 
نینوں کو بھرنے لگتی ہے
مری بری بھلی سہنے لگی ہے 
وہ کچھ خاموش رہنے لگی ہے 
میں تو بیزار ہو جاتا ہوں 

مجھے کہتے جانے کی عادت ہے 

میں چاہتا تو نہیں تھا اسے رلانا 
مگر ضروری تھا اسے سچائی بتانا 
وہ تو عام سی لڑکی ہے 
جو ہنستی اچھی لگتی ہے
میں تو کھلنڈرا سا لڑکا ہوں 
ہنستا کھیلتا رہتا ہوں 
اچھے تھے وہ پل جب ہم ساتھ رہی 
وہ دوست اہم ہے مرے ساتھ رہے 
تم مری بات سنو اسے سمجھانا 
مجھے اس دوستی کو مزید نہیں بڑھانا 
میں  نیے نیے  دوست بناتا ہوں 

مجھے دوست بنانے کی عادت ہے 

از قلم ہجوم تنہائی