“Aik Cactus aur Gulab ki Kahani – Urdu Emotional Story | Hajoom e Tanhai”

ایک تھا کیکٹس ۔۔ صحرا میں اگا نہ کسی نے دیکھا نہ بھالا۔ کوئی گزرتے ہوئے نگاہ بھر گیا تو منہ بنا گیا۔ یونہی کہہ ڈالا بے کار پودا کانٹے دار۔نہ پھول نہ پھل نرا بوجھ دھرتی پر

کیکٹس کے دل میں یہ جملہ ترازو ہوا

سوچا کیا مقصد رہا میرا وجود خار دار بد شکل ۔ ہونا بے کار ہونے سے لوگ بیزار۔ قریب تھا کہ پودا سوکھتا جاتا  دنیا سے روٹھتا جاتا۔

اس نے آخری سہارے کیلئے دعا کی۔ 

یا خدا مجھے گلاب بنا دے۔

کوئی گھڑی قبولیت کی تھی ۔ کیکٹس روتے روتے سو گیا ۔صبح آنکھ کھلی تو پھولوں کے کنج میں سبک ہوا سے کھل رہا تھا۔ اسکی خوشبو چار سو پھیل رہی تھی اسکا وجود سب بدل چکا تھا۔ وہ اب ایک کھلتے گلابی رنگ کا گلاب کا پھول بن چکا تھا۔ اتنا خوبصورت کہ جب مالی آیا تو اسکی خوبصورتی سے متاثر ہو کر چن چن کر اکٹھے کیئے پھولوں میں رکھ لیا۔ اسکو ایک خوبصورت گلدستے کا حصہ بنا کر دکان میں سجا دیا گیا۔ سنگ اور بھی کئی حسین گلاب تھے۔ کسی خوش ذوق کی۔نگاہ پڑی اس گلدستے کو چن لیا۔ اٹھایا اور خرید لیا۔ یہ گلدستہ اسے آج اپنے ایک دوست کی شادی میں اسے تحفتا پیش کرنا تھا۔ اس نے بڑے خلوص سے دلہا بنے دوست کو بڑا سا گلدستہ پیش کیا جسے اس نے قبول کرکے پاس کھڑی کسی رشتے دار کو سنبھال رکھنے کو پکڑا دیا۔ اسے درجنوں گلدستوں کے درمیان رکھ دیا گیا۔ ڈھیروں ڈھیر گلاب خوشبو بکھیر رہے تھے۔ اور جگہ بھی خوب گھیر رہے تھے۔خوشیاں قہقہے مسکراتے چہرے گانا بجانا پیٹ بھر کر کھانا کیکٹس جو اب گلاب بن چکا تھا خوشی سے جھوم اٹھا۔ ایسی ہی زندگی اسکی خواہش رہی تھی۔ تنہائی کے ناگ یہاں اسے نہ ڈسستے تھے یہاں جو لوگ تھے وہ صرف ہنستے تھے۔ وہ بھی کھلتا گیا اسے لگا زندگئ بھی یونہی گزر جائے گی مگر یہ نہیں جانتا تھا یہ تقریب ختم ہو جائے گی۔ وہی ہوا تقریب کے اختتام پر جب گلدستے گنے تو سو سے اوپر تھے آخر کتنے کوئی اٹھا کر لے جائے جا سکتے تھے سو چنیدہ اہم لوگوں کے دیئے گلدستے سمیٹ لیئے گئے باقی وہیں چھوڑ دیئے۔ کیکٹس جو اب گلاب بن چکا تھا انہی پیچھے چھوڑے گئے گلدستوں میں سے ایک تھا۔شادی کے ہنگامے ختم ہوئے مہمان اپنے گھر لوٹ چلے۔ درجنوں گلدستوں کا آخر کیا کیا جائے اسے ملازمین میں بانٹ دیا گیا۔ ملازمین ان گلدستوں کو اپنے اپنے گھر لے گئے۔ کیکٹس کم گلاب ایک ملازم کو دیے گئے گلدستے میں سے ایک تھا۔ ملازم بے دلی سے اس بے موقع ملے تحفے کو گھر اٹھا لایا۔ آکر کھانا کھایا ۔ ماں نے کھانا کھلانے کے بعد بتایا کہ آج تو جمعرات ہے دادی کی قبر پر حاضری لگانے جانا ہے کچھ پھول وغیرہ خرید لینا ابا کے ساتھ چلے جانا۔ملازم نے لمحہ بھر سوچا پھر اس گلدستے سے سب گلاب چن کر پتی پتی بکھیر دیئے۔ابا کے ہمراہ دادی کی قبر پر گیا وہی پھول قبر پر ڈال کر ایک طرف ہو کر کھڑا رہا۔ ابا قبر کنارے بیٹھ کر فاتحہ پڑھتے رہے یاسین پڑھتے رہے  وہ ایک جانب کھڑا رہا۔ دادی سے اسکے تعلقات سب سے ذیادہ خراب تھے۔اکلوتے پوتے سے جانے کیا خار تھی بلکہ اصل خار اسکی ماں سے تھی جبھی تو اسکی اولاد بھی پسند نہ تھی۔ شائد ایک وجہ یہ رہی ہو کہ جب سے اس نے قد نکالا تھا دادی ابا کو بھڑکا کر جب اسکی ماں کو پٹوانے لگتیں وہ بیچ میں آکھڑا ہوتا تھا۔ نا ابا کا ہاتھ روکتا نہ بدتمیزی کرتا مگر ماں پر آنچ تک نہ آنے دیتا۔ ابا کو اس پر غصہ آتا وہ اسے مزید پیٹ دیتے مگر وہ دیوار بن  کر باپ کے سامنے آکھڑا ہوتا تھا ۔ دادی نے پھر اسکی آوارہ گردیوں کے قصے ابا کو سنانے شروع کیئے تھے مگر ابا بس زبانی کلامی گھرک کر رہ جاتے اب ہاتھ نہ اٹھاتے تھے۔ اب تو خیر وہ کمائو پوت تھا ابا کی گھن گھرج ختم ہوچکی تھی۔ اسکی بچپن کی معصومیت اور بے فکری بھی۔ وہ جھنجھلایا سا مٹھی میں پھولوں کی پتیاں بھرے انہیں بکھیرتا مسلتا رہا ۔ واپسی پر بائک چلاتے ہوئے اسے مستقل ابا اپنے پیچھے بیٹھے بولتے سنائی دے رہے تھے۔ بائک پر آواز کم آرہی تھی کچھ اس نے سننے کی کوشش بھی نہ کی۔ اپنے ہاتھ پر نظر پڑی ایک پتی ہتھیلی کی پشت پر چپکی تھی۔ اس نے چٹکی میں بھر کر ہوا کے دوش پر اچھال دیا۔ یہ اسی کیکٹس کم گلاب کی پتی تھی۔ بکھری مسلی ہوا کے دوش پر سڑک پر آگری بھاری ٹرک کے ٹائر اس پر سے گزرتے گئے۔

بھاری گاڑیوں اور دھوئیں و شور میں مسلا کچلا پھول کا ایک ادنی حصہ رو دیا اسے لگا تھا اس نے اپنا چین سکون تھا کھودیا۔ 

اس نے سوچا میں نے ہر غم دیکھ لیا ہر خوشی دیکھ لی اب سوچتا ہوں

اچھا تھا۔۔ اکیلا تھا۔

جب میں ایک ویران صحرا میں اگا تھا۔۔۔ 

نتیجہ: ہم سب تنہا ہی ہیں اپنی اپنی جگہ

For more Urdu emotional story  or latest Urdu kahani 2025  like cactus aur gulab love story  on our hajoom e tanhai blog  

- ultimate Urdu blog for storytelling
urduz.com kuch acha perho #urduz #urduqoutes #urdushayari #urduwood #UrduNews #urdulovers #urdu #urdupoetry #awqalezareen #vaiza #hajoometanhai

x

Lryrics

main cactus ka poda tha

weraan sehra me uga tha

kanton se bhara tha tanha tha

ek din dua ki khuda mjhe gulab bana

sehra se ho nijat bahana bana

meri dua suni gai

meri qismat nayi chuni gai

kisi gulab kr ke khet me aankh khuli

khusbho se basi mehkti zindagi mili

main khush tha k ab main gulab bana

mgar main 

jab se gulab bana 

tora jata hun

nocha jata houn

pati pati alag ho kr 

kisi ki khushi me barsaya jata houn

kisi ke gham pe lutaya jata houn

main ne hr gham dekh lia

her khushi dekh li

ab sochta houn 

acha tha akela tha

jab main ek sehra main uga tha

What If FB is a strangers fare , We have much time to sit and stare